肇順名匯河鮮專門店 (已結業)

公司食饭，本来一行12人，就叫左一围菜大家聚下咁，点知有3个人临时有事黎唔到，一围菜9人食到饱一饱有二款选择菜就系拣左天麻海雀炖大鱼头汤同铜盘焗走地鸡比左窗边位，真系景都食埋汤无影到相，其实系好浓的药材汤，好好味，每人饮到2碗之后顺序咁上菜芝士虾球伊面超大碟，12人都够食，而家9个人就够有突，芝士汁浓但不太腻以上二款无乜特别，一般菜式但份量超多，亦不算油腻以上二款系特式菜，煎𫗵三宝同铜盘鸡，煎𫗵三宝味道唔错，铜盘鸡真系走地鸡，无乜肥膏，肉质有咬感这店出名河鲜，果然最出色系这2款菜式，而且份量十足，侍应话条鱼有六七斤重，先可以做到一鱼二吃最后系令人惊喜的豆腐花同黄金糕，唔太甜唔会死甜滞，另外生果系西瓜又系爽甜，但可惜唔够相位放唔到上黎总括黎话系令人心满意足的一餐，一围$1688全包宴，除开12人即系每人$140左右，都够饱，亦可以试下唔同菜式唔会一味打边炉或者放题，而家9个人食每人$188左右，仲有个饭食唔到要打包。可能星期一关系，入座率只有2-3成，同事话午巿成日爆场，大家可以考虑下黎试(好似有半席选择)，唔多人唔嘈，侍应服务又周到。