大快活

营业中

休息中

今日早啲收工，约咗阿女喺屋企楼下大快活食个tea，拣咗个最抵食嘅下午茶餐，廿五蚊，确实好经济，有奶酱多及热狗肠，雪菜肉丝米，冻绿茶唔洗加钱，另外加$7.5叫多个雪菜上海幼面，两个人share 已经好够。奶酱多士好厚，花生酱同炼奶都可以自己落，份量随自己喜欢。热狗肠系一个点缀，整个茶餐好丰富。雪菜肉丝米汤底好好味，雪菜肉丝料都唔错。叫多个雪菜肉丝上海幼面，呢度嘅上海幼面面质爽口，平时有辣肉酱更加可口。杯冻绿茶唔算甜，两个人share都好够。