開花結果 (榮吉工業大廈) (已搬遷) 新店位置

以前我哋都系叫外卖为主，旧舖执咗之后，好似停咗有一段时间，今次重选地方再开，地方大咗好多，不过帮衬既人一样咁多，每次都要等10几分钟架。门口总是逼满晒等位既人，眼见员工唔算太多，收银都一脚踢，完全可以控制住场面，感觉佢好利害，训练有数既。沙律餐依旧大大份，仲可以㨂两款，记忆中以前只可以㨂一款，今次我㨂吞拿鱼火腿粟米沙律，好足料，另外菠萝粟米蛋，菠萝有点出水，但味道清新，两款完全不同口味，再配烟三文鱼香草包，女仕们可能未必食得晒，我就唔浪费打包个包下午茶食。另外咖啡都好浓好得架。同我一样喜欢咖啡可以考虑。第二次再来帮衬大家都觉得份量少咗，可能怕大家食唔晒浪费。