炊豕店 (威靈頓街) (已結業)

之前同同事食饭，有位同事大力推介炊豕店话抵食夹大件，仲一定要试佢地嘅肉燥猪扒，好好味咁话！趁住weekend就同女朋友过咗佢地嘅中环店到试试！餐厅都几多人，好彩都叫做有位唔洗点等。点餐纸清楚简单，先拣主菜，可再追加配料，小食同饮品。餐厅以猪为主题，主菜都系同猪有关，我地就叫咗猪扒同猪软骨两款主菜试下。👉🏻肉燥汁秘制猪扒饭+卤水鸡蛋+厚午餐肉 $74猪扒又厚又大块，午餐肉非常厚切！卤水蛋入味！仲有棵青菜，唔会成碗斋系肉。猪扒外表金黄，外皮薄而且香脆唔油腻，肉质松软有弹性，仲腌得好入味，真系值得推介！午餐肉好厚切，煎得外脆内软。肉燥饭底，香浓开胃。👉🏻冲绳猪软骨捞粗面+炒滑蛋+肉燥汁 $76炒滑蛋大大块！好嫩滑！炒滑蛋下面就系冲绳猪软骨，仲有白萝卜，莲藕等配菜，大大碗，好足料！猪软骨松化入味。粗面同酱汁已预先捞匀，唔洗自己另外捞，粗面弹牙。再加配埋肉燥汁，味浓汁厚，香喷喷。👉🏻汽水 +$5👉🏻热蜂蜜柚子 +$5汽水够冻，大热天时饮好爽。女朋友唔饮冻嘢，热柚子蜜清甜，感觉润喉。