Story Steak & Pasta (已結業)

冻柠茶极大杯，杯身极粗。 黑松露杂菌汤，今日嘅餐汤系黑松露杂菌汤，黑松露味道香浓，同蘑菇嘅香味相辅相成，面头加上少少忌廉，令到个口感更加细滑。 餐包估唔到佢都咁有诚意，烘焗得香脆之余，亦令到香草牛油充分咁样渗透喺每一寸面包之上。 慢煮美国牛肋骨配黑松露薯蓉，牛肋骨煮得好腍身，酱汁系经典嘅美国烧烤酱，味道酸酸甜甜，十分开胃，薯蓉口感细滑，明显无投放过多嘅牛油同埋忌廉，更能享受黑松露嘅味道。特式杂扒，一个价钱就可以食到牛肩胛、羊架、烤鸡、纽伦堡肠同煎蛋，仲有餐汤、餐包、饮品、白饭或意粉或薯条同唔系好多地方有得跟嘅薯蓉俾你选择，份量十足，而且味道同埋质素都不俗， 羊架厚切煎得香脆， 纽伦堡肠系德国传统嘅味道，令人十分满足。