台灣麵 (已結業)

起九龙湾行完街，过黎emax 医下肚～呢间台湾面既野食款式都几多，价钱几经济。✨卤蛋豆腐肉燥饭（$43): 佢个饭量真系超多，肉燥虽然瘦瘦地，但捞埋个汁几好食。卤蛋入味，伴菜又加左d 蒜蓉，清清地几香。豆腐有轻轻炸过，外皮有少少脆，感觉香口d~✨熏蹄拼海蜇（$68): 食落好冰感，熏蹄海蜇份量都几多，食落爽口，点埋酸汁好开胃。✨炸鸡汤拉面（$61): 个炸鸡上枱果下吓一吓，个样好搞笑，成条油炸鬼咁xD 胀卜卜，颜色好金黄，同平时见既炸鸡有分别。食落原来粉浆系好松化，但入面d 鸡又好嫩，点埋沙律酱系正既。✨拉面虽然唔知系咩汤底黎，但够入味唔会太腍，入面仲有粟米，四旧鱼蛋，半只蛋同菜，够饱肚。✨跟餐加$4, 要左个芝麻奶茶，个味都几特别，少少芝麻香又有好香甜既奶茶味～不过茶味同芝麻味浓d 就更加好， 但整体黎讲系抵食既。