茶語

营业中

休息中

今次又来到大埔觅食，大埔中心开咗几间台式餐厅，个人都几钟意食台式食物，例如卤肉饭、盐酥鸡等等，所以我哋今次叫咗两个饭加两个小食外卖返屋企慢慢叹。间餐厅喺昌运商场隔离，喺正门口，好容易见。主食类大概有20款，我哋五点几到，所以都系叫返午餐食，佢哋有白饭、卤肉饭、同埋米线，我呢啲米饭控梗系要食返饭啦。要咗个酥炸鸡翼同猪扒卤肉饭，佢哋啲鸡翼同猪扒都好大只，外边炸得好脆，份量来讲真系唔少，佢哋啲鸡翼同猪扒都腌咗先炸所以好入味。另外在叫咗份小食，因为我哋叫午餐，另外再追加小食大概都系$20左右一款，所以我哋叫咗粉炸烧卖，烧卖外脆内软，简直食唔停口。饮品叫咗珍珠奶茶同柠檬茶，呢两样嘢饮都唔使再额外加钱。