人和月雞煲火鍋店 (已結業)

很久没有吃鸡煲，见到IG有啲post介绍呢间人和月鸡煲+打边炉， 价钱二百几蚊一位，有得食鸡煲同埋高质牛肉火锅，见今日路经尖沙咀，就决定去试一试。餐厅位于海防道，地铁站附近，一入到去餐厅，感觉好企理， 同埋应该系新开张嘅。首先坐低就要点前菜（鸡煲/酸菜鱼），食完鸡煲之后就选择你想要嘅汤底。我哋两个人点左鸡煲+麻辣汤底打边炉，辣度系小辣。鸡煲份量唔算多，但够香又够辣， 而鸡件亦算嫩滑冇雪藏味， 赞！食完鸡煲之后，就嚟打边炉，个麻辣汤底唔知点解有少少羊苏味， 只系小小！ 我哋两个人点呢个餐包左牛下肩、牛板腱， 呢两个牛就只能够叫一次，非常高质，牛味好重，肥瘦适中！另外我哋亦都点左金钱展、牛胸爽、雪花肥牛、黑豚肉、墨鱼滑等等肉类。其实唔使$298 一位嘅价钱有以上嘅肉类选择，而肉类质素亦十分之高质，选择多，所以价钱非常之合理！而公家地方有一个位系比大家去令蔬菜、丸类、同埋甜品等等嘅食物。而饮品方面有各类汽水、和自家制嘅冷泡茶，非常之有诚意。呢个价钱可以食到唔同种类嘅高质肉类，虽然甜品选择唔算多（冇雪糕），但价钱依然都系性价比高，一定会再帮衬！