影片
更多
2023-02-02
234 浏览
太子嘅月桥系食越式河粉，空间虽然狭长，地方唔够大，但胜在食品CP值高企，吸引好多食客光临，我都系常客。今日试吓鲜茄鱼饼蟹膏金边汤粉，鲜茄做汤底冇得输，浓郁鲜甜，鱼饼炸得甘香，蟹膏嘅鲜味提升整个金边粉嘅层次，每啖都有满足感觉，由于份量劲多，女士可能要share好啲，一个人食晒，可能太饱啦！朋友点咗生熟牛肉配金边粉，汤头好清澈，饮落好鲜味，完全系正宗牛肉味，生牛肉一浸即可入口，顺滑清甜，淋身冇渣；而厚切牛腩则大大件，有啲赵头，金边粉幼身软滑，完全吸收咗汤汁，好好味。配料十足，有葱花、芽菜、洋葱及九层塔，令口感更丰富。跟餐配咗个椰汁红豆冰，只需半价，抵饮！好有椰汁清香味，甜度啱啱好，红豆细细粒，香甜够软，冰冻解渴。叫一个小食香茅猪颈肉一齐食，猪颈肉切得薄薄地，每片点啲酸汁嚟食，好香口入味，食之不厌。今日法式面包售罄，想食！唯有再嚟多一次吧！
今日试吓鲜茄鱼饼蟹膏金边汤粉，鲜茄做汤底冇得输，浓郁鲜甜，鱼饼炸得甘香，蟹膏嘅鲜味提升整个金边粉嘅层次，每啖都有满足感觉，由于份量劲多，女士可能要share好啲，一个人食晒，可能太饱啦！
朋友点咗生熟牛肉配金边粉，汤头好清澈，饮落好鲜味，完全系正宗牛肉味，生牛肉一浸即可入口，顺滑清甜，淋身冇渣；
而厚切牛腩则大大件，有啲赵头，金边粉幼身软滑，完全吸收咗汤汁，好好味。配料十足，有葱花、芽菜、洋葱及九层塔，令口感更丰富。
跟餐配咗个椰汁红豆冰，只需半价，抵饮！好有椰汁清香味，甜度啱啱好，红豆细细粒，香甜够软，冰冻解渴。
叫一个小食香茅猪颈肉一齐食，猪颈肉切得薄薄地，每片点啲酸汁嚟食，好香口入味，食之不厌。
今日法式面包售罄，想食！唯有再嚟多一次吧！
张贴
