鮨葵

营业中

休息中

今日同朋友仔食晏，佢提议食呢间，果然无介绍错，呢间嘢有好多款套餐都好抵食，价钱介乎$60-110左右，午餐更加抵食都系$55，所有餐都有沙律菜、面豉汤同蒸蛋跟埋，最后仲有粒雪米糍添。讲返我叫咗𠮶个寿司定食配细牛肉乌冬套餐先，先讲个牛肉乌冬虽然得一块牛（仲再半只蛋），但块牛一d都唔差软熟又有牛味，乌冬就更加要赞好弹牙，汤底味道唔错系我钟意嘅味道，寿司一样唔错刺身够新鲜而且仲好鬼大嚿添，个餐$89食到我好鬼饱🤣。我朋友就叫咗个三段鱼生饭$84，一样唔错，但论价钱我觉得我个餐抵食d😆。其实个是日午餐都唔错㗎，今日系滑蛋猪软骨饭同三色丼饭（三文鱼，、希灵鱼同八爪鱼），我见隔离枱叫咗都唔差好大碗，有机会要再嚟食过……唔错！