木子甜品 (已結業)

为食猪已经唔系第一次嚟呢度食糖水，必食嘅系芋圆，可以话系喺香港食过最好味嘅芋圆!仙草2号($19): 19蚊一大碗真系好抵食，仙草味道正正常常，某为食猪话好有仙气。配料好丰富，有芋圆，芦荟，豆，芋泥同最特别嘅一球仙草冰。呢度嘅芋圆唔止一团粉咁简单，紫色有芋头味，黄色又有蕃薯味，而且软硬适中。豆亦煮得好粉，芋泥都有少少芋头粒。唯一要批评系甜咗啲，食到尾会有啲腻，但呢个价钱完全收货。