Thai 2.0 (已結業)

同先生去完宜家家私扫货，顺便去愉景新城医肚，拣咗呢间价钱贴地嘅泰国餐厅，地方宽敞而且座位够哂阔，坐得舒服，好适合行完街充下电。餐厅食物选择唔少，而且够多元化，仲有好抵食嘅二人餐可以拣。椰青即叫即开，超级新鲜，加上雪到冻冰冰，清甜解渴，一流！飞天通菜大大碟好抵食，而且够哂惹味，配白饭一流。青咖喱鸡带有微微嘅椰香，微辣嘅酱汁加入各种泰式香料，够哂香浓，同样系白饭杀手。鲜虾炒金边粉亦系大大碟好抵食，即叫即炒热辣辣送上枱，炒得够火候亦够惹味，唔错。餐厅嘅食物整体质素唔错，而且胜在价钱超值，亦坐得舒服，下次行完街可以再嚟。