薄餅巨人

营业中

休息中

话说呢日又想叫pizza，本来想呢cheese pizza。后来我醒起，不如叫Mr Big，贪佢等既时间唔会太耐。结果，都系45分钟到。有时候，Cheese Pizza可以等超过1小时。蒜蓉包跟餐既其中一个选择，味道都唔错。个包既蒜蓉味颇重，而个包又唔算太硬。而且份量都几多，都算几抵食既。香草鸡肉长通粉个味道有小小似曾相识，但我又觉得好食过Cheese Pizza。个鸡肉既份量几多，而且忌廉汁好惹味。而通粉都唔错，食落好有咬口，又唔会太韧或者太淋。整体上，个份量我地都几满意，食完都有饱。炸鸡基本上次次都会叫，贪佢皮薄多汁。而且鸡肉真系好嫩滑，而且个腌味都几够，真系几好食架。不过，个炸鸡就比较油，食完真系会增磅。大和风格pizza主要材料有烟三文鱼、狮子狗鱼蛋、蟹柳等等。呢个pizza既配料都几好食，而且用上千岛酱。更可突显pizza既美味。而且芝士既份量颇多，食落真系好满足。其实，都系见佢有烟三文鱼先食呢个pizza，哈哈。整体上，都系135元。都算几抵食既，而且等既时间都几合理。比起pizza hut，呢个Mr Big价钱同食物质素系有优势既。