林洪記水產

营业中

休息中

上次一家大细去咗林洪记水产食海鲜火锅放题，整体嚟讲都几满意。最值得一提嘅系佢哋嘅食材真系好新鲜，海鲜当中有蛏子、花螺、鳝片、大头虾等等，全部都生猛活泼，肉质鲜甜。我哋叫咗个蒸气海鲜火锅放题，套餐入面有好多唔同种类嘅海鲜，仲有肥牛、鸡肉、蔬菜等等，选择非常丰富。个蒸气锅用嚟蒸海鲜就最啱，可以保留海鲜嘅原汁原味。另外叫既麻辣干炒鸡煲。呢个鸡煲一上枱就已经闻到阵阵麻辣香味。食得出佢既鸡煲用上新鲜鸡件，炒得非常嫩滑，啖啖肉。麻辣酱汁非常惹味，但又唔会太辣，食落非常过瘾。鸡煲入面仲有洋葱、辣椒同埋其他配菜，谂番起都觉得正呀。而服务效率都几高，我哋落完单之后，啲嘢食好快就送到黎。