首爾石鍋燒 (已結業)

黎旺角同男朋友食饭，今次行到黎女人街见到首尔石锅烧既餐牌好抵食禁，就入去试下先！黎食韩国野当然唔小得泡菜，叫左店方自家制泡菜同爽辣青瓜，泡菜比出面黎讲偏辣，但非常入味，青瓜爽口，酸味适中，劲开胃之后叫左个fusion新食法（火山年糕芝脆面）,热辣辣既铁版配上芝士同年糕，未食已经闻到香味，韩国年糕配上港式炒脆面，味道和口感出奇合衬。年糕烟烟韧韧，脆卜卜炒面配上香浓既芝士，三重口感，好食到唔停口之后点左个牛肋骨生菜包，肉质松软，生菜包住牛肋骨，自己再加埋泡菜，辛辣后清爽，正！黎到石锅烧店当然唔小得烤肉豆腐锅，加$9配埋手打乌冬，送到黎d汤仲滚滚下, 入面有泡菜, 烤豚肉, 超滑既豆腐, 成个石头锅酸酸辣辣, 乌冬够弹牙，索哂d汤汁，好好食！整体环境舒服阔落，食物价钱又超值，值得再黎！