包龍星點心專家 (已結業)

同家人去买点心外卖，在家中饮茶，疯狂叫点心，都系$295，摆到成枱面都系，好震撼。珍宝虾饺皇$26卖相几吸引，好巨型，皮薄馅靓，拍得住酒楼质素。烧卖$24猪肉同虾肉嘅比例不错，仲有冬菇粒，入口爽口，口感唔错。鱼肚四寳鸡扎$24鱼肚都几大件，鸡肉爽滑。珍珠鸡$25糯米软糯，馅料丰富，钟意佢酱汁够多。鲜竹卷$18腐皮吸满汤汁，喜欢。牛肉肠$23肠粉皮薄滑，牛肉馅料好多，带有芫荽香气同马蹄粒。水晶鲜虾肠$26每条肠粉都有两只爽口大虾。凤爪排骨饭$31凤爪排骨嘅豉汁好惹味，排骨都多肉。冬菇滑鸡饭$26$26好抵食，个饭吸入冬菇同鸡肉精华，味道不错。4件炸点心$25-咸水角（2件）-蒜香虾春卷（2件）钟意佢可以自己拣件数，可以试多几款，虾春卷卜卜脆，虾肉爽口弹牙。6件蒸包$36-流心奶黄包（2件）-菜肉包（2件）-叉烧包（2件）包点类我哋试咗三款，我最钟意菜肉包，菜同肉嘅比例好好，唔会好肥腻。流沙奶黄包流心效果不错。真系菠萝包（2件）$16呢个菠萝包好有惊喜，原来入边系有真嘅菠萝馅。菠萝皮香脆，入面嘅菠萝馅料酸甜酸甜，忍唔住一啖接一啖咁食。