阿來泰式地道風味

营业中

休息中

好耐无去旺角行街，陪朋友先达买完野，见到呢间阿来泰国菜个价钱都几抵，就入去试下。🍤炸虾饼外皮脆卜卜，虾肉十分爽口弹牙，点埋泰式酸辣汁超好味👍🏻🥗飞天通菜通菜好鲜嫩，少少微辣加埋啲到时酱咸咸地，好夹👍🏻食完热气嘅炸虾饼，再食返啲菜感觉健康好多🤣🥘咖喱炒蚬泰式咖喱好香椰汁味，唔辣。蚬肉新鲜甜美，好多都胀卜卜。原本冇谂住叫蒜蓉包，但系食到啲咖喱汁感觉一定要配啲淀粉质，于是叫咗蒜蓉包，真系超夹👍🏻如果你哋叫咖喱一定要叫蒜蓉包👍🏻原个大椰青椰雪到冻冰冰，饮落去超清甜，仲俾埋个匙 食椰肉，超满足。朋友叫左青柠梳打，唔记得影相，青爽，原个青柠，唔系化学水。记起时，已俾朋友饮左大半。整体嚟讲，价钱唔算太贵，食完觉得性价比唔错，可以一试。