隆姐泰國美食館

营业中

休息中

家人生日去食泰国菜，佢地推介隆姐，贪佢抵食又正宗，即管去试下。5个人叫咗8样野食，虽然碟碟都系几十蚊，但份量都算多喇!去食泰国菜必叫生虾，只虾好大只，新鲜爽口，夹埋生蒜点埋啲汁酸酸辣辣好好食。挣扎咗一阵应该要芒果沙津定系青木爪沙津好，最后要咗后者，啲木瓜有啲硬，同埋有啲过辣。炸虾饼，热辣辣又香脆，好香口好好味。飞天通菜，辣度刚刚好，正常发挥。冬阴公汤，有大有小，侍应话小嘅4人份量，大嘅就6人，于是叫咗个大，点知嚟咗两个小，佢话大嘅冬阴公汤系咁，我心谂咁咪即系8人份量。算啦，冬阴公汤都算足料，一兜有2只大虾，有啲菇，酸酸辣辣好开胃，不过要小心细细粒青色辣椒，食中辣到飞起。另外仲叫咗青咖哩鸡，嗌咗个印度薄饼一齐点汁食，好香好好味，呢个唔辣嘅，可以中和番!蟹肉炒饭，食咗咁多浓味野，再食呢个好似冇乜味，比较失色。饭后有椰汁西米露送，5个人食咗$600几蚊，够饱大家都好满意。