肥仔海南雞專門店 (順豐大廈)

营业中

休息中

今日去咗元朗，因为好赶时间所以系最近距离揾咗间餐厅食「快餐lunch」，所以藉此试咗呢间「肥仔海南鸡专门店（元朗）」。由于已经4点钟，店内只有店员。入店前指定动作-测温，因太阳晒住测温机，要等调整下，稍等后先成功度体温。坚持让客人度体温后正常温度才能入座呢点做得唔错。我哋两人要15分钟内食完走人，所以同样叫做海南鸡饭，另外加一支蝶豆花薏米水。如预期，饭好快出现，仲有一杯冬瓜鸡汤。望落鸡几靓，份唔算多，食落发现鸡肉嫰滑程度真系算唔错。最估唔到嘅系个饭调味好好食，。平时系外食饭见有海南鸡饭嘅我都会试，但系多数都系一般般，不过不失，唔会再食下次，而呢间我就觉得好味，会再次光顾。跟住蝶豆花薏米水出现，第一次饮，微微甜，无特别味，有薏米咪，好健康！店舖简约设计，店员服务态度都几好。