小叻沙 (已結業)

其实小编对​​所有含椰子，椰奶成分都真心一般，差不多讨厌的阶段，硬系觉得椰奶好似D呕吐物阵味甘。但今日竟然去左呢间食，本来唔打算食叻沙，想试渠地既星洲炒米既，可惜平日要六点后至有炒粉面，所以都要食叻沙，见到渠地个期间限定波士顿龙虾帆立贝好似好吸引甘，就一于试下啦！渠地有三种汤底，分别唔辣既猪骨汤底，叻沙汤底（用虾糕熬）同埋咖哩叻沙汤底（咖哩Based既叻沙），辣度都分小，中，大三种，另外面条可以选择掺掺（即系油面，米粉各一半），米粉同埋油面，黎得食叻沙更系食掺掺啦，小编系辣系人当然食大辣啦，汤底就要咖哩叻沙，总觉得纯粹叻沙会好奶甘，最怕！个波士顿龙虾叻沙制作需时大约等20分钟，哗！个叻沙黎到真系冇得输LOR！卖相极度呃LIKE！可能小编要大辣所以个汤底真心浓郁，唔似得我同事既叻沙汤底小辣比较淡，其实虽然大辣，真心唔系大辣，食得辣既人可能唔觉得渠辣。不过小编非常欣赏呢个波士顿龙虾，虽然得半只，但D肉都好多，同埋只龙虾系好好为，系炒过至放入碗面度，唔系求其掉只龙虾落去LOR！翻兜指数极高呀！ 133元食到波士顿龙虾仲想点？温馨提提你，如果唔想等位就12：15前去到最稳阵啦！