漁屋日本料理 (海寶花園) (已結業)

上次入黎大埔，行过附近发现左依度有间食放题嘅日本料理，就觉得好得意，因为通常依Ｄ餐厅都系集中喺市区先有的。后来打听左，原来果间野应该都唔错，所以就约埋一班朋友，今日下昼黎左依度试下喇。佢地放题的食物种类都算几多，大路野，例如刺身寿司，沙律、烧物、炸物等等嘅都有，但又有一Ｄ比较少有的品种，例如长脚蟹，PAMA HAM沙律，原只烧蚝，烧鳗鱼咁，真系算唔错。食物味道几好，样样睇落都已经几得。牡丹虾几鲜甜，我地都叫左几多。烧蚝几大只，唔会得一劈酱其实好细粒蚝咁样。炸物都系新鲜炸的，唔错。沙律都几多款，样样都试下。一大班人都食得几尽兴，又都算抵食。不过依度就要入到黎大埔先有得食，但系街坊应该会几方便。