Luna Kaffe

营业中

休息中

上网见到依间新开嘅餐厅竟然有超抵价嘅威灵顿牛柳，当然黎试一试，仲顺便试埋其他嘅野食。今次就叫左两个set。蟹柳忌廉汤蟹柳份量几多，忌廉汤都够厚身，唔会太稀。鲜龙虾汁软壳蟹帽子粉软壳蟹超大只，炸到好香脆，炸粉又唔会太厚。帽子粉软硬适中，帽子粉嘅形状更容易挂上龙虾汁。本身龙虾汁都好足够，望落去橙橙的，食落好似平时龙虾汤嘅味道，都几浓龙虾味，另外仲有啲菇作配料。威灵顿牛柳主角系晚市$98嘅威灵顿牛柳。热辣辣嘅铁板上枱，劲有feel,份量一啲都唔细。叫左medium,切开见到粉嫩嘅颜色，熟度控制得唔错。入口牛柳够哂软嫩，一啲都唔韧，而且充满牛味。酥皮香脆而且带咸香，增添左食落嘅层次感。依个价钱食到威灵顿牛柳可以话相当满意。脆香鸡锤鸡锤新鲜炸起，香脆有肉汁。焦糖炖蛋焦糖烧到金黄色，用匙羹敲落去超级脆，食落香甜邪恶。炖蛋好滑，充满蛋香。