捌壹壹 (奶路臣街)

营业中

休息中

捌壹壹系一间主打川菜嘅餐厅，平时一话食川菜，唔食得辣嘅朋友一定耍手拧头，但捌壹壹哩度嘅菜式，大部系都可以拣辣度，由唔辣到大辣都可以自己话事，啱晒啲想食麻辣刺激野，但又唔食得好辣嘅朋友。佢地除左川味小菜同凉菜，连酸菜鱼同鸡煲都一样有得外卖返屋企，就算冇得堂食都唔怕。等左大约十分钟就有得。冷锅酸菜鱼($168) - 酸菜鱼有分例牌同加大码，哩度系例牌都已经够三四个人食。入面有超多鱼肉同酸菜，仲有金菇同宽粉。我拣左BB辣，酸酸辣辣好开胃，鱼肉好滑，抵食又好味。辣子鸡(半份)($98) - 辣子鸡我拣左小辣，香香辣辣几惹味，不过鸡肉切得比较细粒，影响口感，如果切返旧少少更好。葱爆牛肉($88) - 我拣左BB辣，其实唔会点食倒辣味。牛肉量都几多，而且每块都好大块，牛肉唔会好鞋。香油海蜇($38) - 海蜇拣左走辣，海蜇几爽口，加埋麻油香味，味道都唔错。总结，菜式可以拣辣度自由度较大，我最钟意酸菜鱼，好味大份又抵食，一定要试。