三寶勝上海美食

营业中

休息中

今日又到大埔做嘢喇，开工前梗系要食饱个肚啦，突然间想食上海菜，上开饭网一揾呢间三宝胜系附近，就黎试下啦。舖头门面比较旧，有少许老牌上海餐馆feel，可能因为午市刚刚过，餐厅只得几个客人。午市客饭一律45蚊，包两碗饭及例汤/豆浆，非常抵食。今日叫咗红烧豆腐客饭，有别于一般餐厅食到嘅红烧豆腐，呢度用嘅豆腐系白豆腐，唔系油豆腐，配料有云耳，肉片及笋。红烧豆腐味道够浓，配饭食一流，白豆腐虽然无咁香口，但较健康及滑，而份量亦多，绝对足够食晒两碗饭，唔驶惊有饭无𩠌。冻豆浆豆味浓郁，亦唔会太甜，食饱后饮返杯份外醒神。