強記小廚

营业中

休息中

2017年第一餐饭，同一班朋友一齐食小炒。去到旺角，朋友介绍喺朗豪坊后面山东街个头有一间平靓正小炒。入到餐厅，可能我哋6点钟左右入座，时间尚早，得两台客人。我哋三个人叫咗三个小菜＋一个泡饭，整体分量多，另外值得一赞，每道菜较外面少油同少咸。七彩鲜果牛柳粒$88味道酸酸甜甜，上面黄色嘅生果原来系蜜桃，牛楼粒用咗黑椒去腌，几有咬口，淡淡牛肉味，估唔到牛肉同生果都几夹。野菌煎墨鱼饼$70有八件咁多，每一块嘅份量都唔细，墨鱼饼好弹牙，上面小小黑色既系切咗细细粒野菌，混合在墨鱼饼当中，虽然唔系食得出野菌嘅味道，但整体不错，煎得好香口蒜茸炒豆苗$68分量好多，第一次见外面食菜会比甘大碟，较其他小炒多三分之一，同理真心唔油，豆苗够嫩，大家好快清晒。蚝仔泡饭$60呢个又系另一个出奇地清淡家常菜式，唔会食落好重味精，分量都不少，可以分到7-8碗，蚝仔细细粒但食落唔错，如果钟意重口味少少，可以落d胡椒粉。整体真系不错，食完唔会口干，落油唔重手，下次会再去。