翠林餐廳

营业中

休息中

天气冻成日想食煲仔饭，估唔到乙明邨都有煲仔饭食，今晚经过见到门口见到好多煲仔先知有得食。.坐低叫左个「梅菜肉饼煲仔饭$65」另加润肠$12蚊，又几唔错，几正宗港味煲仔饭，饭粒吸满肉汁味，香气满满，润肠切成一片片，饭粒煮晒啲精华👍🏻.小菜呢间一直都唔错，「滑蛋粟米班块$78」，炸到外脆内软既鱼块沾上挂著不少粟米粒的芡汁，好好𩠌饭。「翠林小炒皇$78」多料好抵食，劲多腰果同鱿鱼，好鬼惹味。「椒盐一字骨$88」蒜味偏重，不会太辣，肉质也不会靭，好香口。.临走发现仲有羊腩煲食，下次食煲仔饭可以配埋羊腩煲🤣