大丸和風食堂 (已結業)

今日收工收迟左，又好肚饿，快快系附近揾野食先，系通菜街两边都有野食，见到呢间日本野好似坐得几舒服，就呢度啦！穴子寿司，超大条鳗鱼，一口系食唔晒架，鳗鱼汁沾左落白饭，真系好好味！剑鱼腩寿司，食落新鲜而且爽甜。油甘鱼寿司，色泽红润，食落油脂感足。火炙黑松露带子寿司，黑松露香，带子鲜甜。左口鱼边寿司，日本人好喜欢左口鱼，轻轻烧过，迫左油份岀黎，食落更滑口。蟹肉忌廉可乐饼，炸到热辣辣上枱，外皮好脆，里面个忌廉好滑。