彩雲南 (已結業)

午餐时段周围都排晒队又要等位，最后去左呢间坐低食。餐厅空间唔算细，啲枱够大位都好坐舒适。餐厅主要食面食，都好多花款配搭选择，有麻辣汤有冷捞有热捞面，𩠌果方面有辣子鸡、酥肉、手撕鸡、五香腩肉等等，汤底同𩠌方面都有d特式，同出面其他面铺有d分别。我叫左辣子鸡酥炸肉米线配麻辣汤底，碗面劲快就整好到左。汤底够辣同香口，唔会太淡，米线底好厚唔会食唔饱，鸡同炸肉好好食唔会又鞋口又韧，成碗面整体感觉好唔错。另外餐有配特饮俾我地，特饮款式多而且有花d心思，见有黑糖珍珠豆浆、薄荷朱古力、热柚子姜茶等等，最后拣左柚子姜茶。杯姜茶重姜味好正，加埋少少柚子吊味好好饮，不过茶同面两样都辣未必好夹，下次叫番冻饮朱古力可能会好啲。