更多
2019-07-06
217 浏览
琴日返屋企之前,俾屋企人叫左去买唐记包点返屋企做晚餐!见到佢新出咗款锅贴,梗系要试吓啦!10几蚊有三旧,价钱合理。食落去馅料好足。而佢嘅咸鱼肉饼饭份量非常之大咸鱼嘅咸度适中,而肉饼有手掌咁大!如果平时好肚饿一定要带佢啲饭嚟食,因为真系好抵食!以佢嘅糯米鸡真系好大只,入面亦都非常足料,有一只鸡中翼同埋大大旧猪肉,而且味道媲美得上茶楼𠮶啲!鸡扎同鲜竹卷都同茶楼嘅水平差唔多,而且唔会太油腻!尤其鸡扎入面嘅料非常多,会令你觉得好抵食!最后我都见到佢有一款新出嘅牛肉包,就谂住买来做听日嘅早餐。包入边嘅牛肉味非常之浓,但食落去又唔会话好咸,以呢个价钱来讲都可以试一试!
张贴