Plat du Jour (已結業)

评分:🐷🐷🐷🐷（5🐷 满分）法国菜似乎同贵、气派、fine dining且上咗等号，而我哋今次要介绍嘅就系一间位于金钟嘅平民法国菜。我哋嗌左一个普通嘅dinner set 同一个open rice 优惠menu。龙虾汤🦞普遍网上食评都话佢个龙虾汤几浓郁，几重龙虾味，但个人认为龙虾味可以再重啲，不过整体个汤都几香几滑。Escargot 🐌偏细只，调味可以重少少，面头有啲薯蓉，但系几油下。草饲牛🥩呢个几有惊喜，最近唔想食咁生，嗌咗medium，火候控制得唔错，食落去有牛味有油香。黑松露意大利云吞几creamy，云吞煮得啱啱好，都值得推介。Cream Burlee呢个有啲失望，质感比较似港式炖蛋，唔够滑。小提示💡：登纪咗做会员仲有八折优惠。