影片
更多
2022-12-16
99 浏览
边个话食泰国菜一定要去九龙城㗎！听同事讲湾仔石水渠街有间新开泰国隐世楼上餐厅好抵食，于是约咗好姊妹一齐去试吓！呢度地方唔大，但系枱与枱之间有一定嘅距离，墙上仲有一幅好得意嘅tuk tuk画好有泰国特色，首先我哋叫咗一杯龙眼冰（$45）同一杯冻咸柠七梳打（$45）原来都几大杯㖞！龙眼冰清清地唔会太甜，另外杯咸柠七喜都好好饮。食物方面我哋叫咗沙爹串烧六串🐔一半鸡🐷一半猪（$88）原来都好大串，热辣辣加上甜酸汁味道唔错！跟著叫咗烧猪颈肉（$98）切得薄薄一片，加上酸辣酱，味道好夹！另外再叫咗一碟泰式炒通菜（$72 ）份量亦都好够，跟住再试埋佢哋个菠萝海鲜炒饭，佢哋并冇用原个菠萝装住，而系有一串菠萝响旁边，饭上面再加左一块芝士，而腰果同埋肉松就摆响侧边等你自己食时再捞，炒饭充满咗🍍菠萝肉，仲有腊肠及其他配料口感十足，份量更加比其他餐厅大。去得泰国餐厅梗系唔少得叫埋饭后甜品芒果糯米饭啦（$68）一上枱已经闻到好香嘅芒果味🥭加上有三大粒糯米饭配上椰汁，啲芒果好甜好正！为呢一餐划上完美嘅句号，味道正宗我哋两个食到超饱😂埋单嘅时候先知道，原来佢哋新张期间今个星期做紧七折，而嚟紧呢两个礼拜亦都会做八折，
呢度地方唔大，但系枱与枱之间有一定嘅距离，墙上仲有一幅好得意嘅tuk tuk画好有泰国特色，
首先我哋叫咗一杯龙眼冰（$45）同一杯冻咸柠七梳打（$45）原来都几大杯㖞！龙眼冰清清地唔会太甜，另外杯咸柠七喜都好好饮。
食物方面我哋叫咗沙爹串烧六串🐔一半鸡🐷一半猪（$88）原来都好大串，热辣辣加上甜酸汁味道唔错！跟著叫咗烧猪颈肉（$98）切得薄薄一片，加上酸辣酱，味道好夹！另外再叫咗一碟泰式炒通菜（$72 ）份量亦都好够，跟住再试埋佢哋个菠萝海鲜炒饭，佢哋并冇用原个菠萝装住，而系有一串菠萝响旁边，饭上面再加左一块芝士，而腰果同埋肉松就摆响侧边等你自己食时再捞，炒饭充满咗🍍菠萝肉，仲有腊肠及其他配料口感十足，份量更加比其他餐厅大。
去得泰国餐厅梗系唔少得叫埋饭后甜品芒果糯米饭啦（$68）一上枱已经闻到好香嘅芒果味🥭加上有三大粒糯米饭配上椰汁，啲芒果好甜好正！为呢一餐划上完美嘅句号，味道正宗我哋两个食到超饱😂
埋单嘅时候先知道，原来佢哋新张期间今个星期做紧七折，而嚟紧呢两个礼拜亦都会做八折，所以更加抵食😻住港岛朋友可以快啲去试吓！
张贴
