惠 (已結業)

预约咗《惠》同老公二人庆祝一番！之前食过，今次又转咗餐牌，不过同样满意！👍🏻👍🏻👍🏻入座后先上热毛巾，就准备开餐啦！！刺身件件新鲜，我钟意食较为淡味嘅深海鱼，咁啱师傅今日上嘅刺身都好啱我口味，由其系𫚕鱼刺身，系鱼腹位置，鱼肉条纹分明，肉质柔软，油分高，鲜味突出！！！😋😋😋期间上咗个烧带子，超回味，用咗薄荷汁去配个灸烧到焦香嘅带子，感觉好清新，第一次觉得原来海鲜都可以配薄荷酱汁，真系特别！！！😆😆😆而寿司方面，师傅都几有创意，用白虾打碎加明太子作调味，令虾个股鲜味带出黎，咸咸地，我钟意啊！！！😍😍😍同埋仲有喜知次，之前食过铁板烧嘅，今次食灸烧，半生熟嘅口感，比全熟更能感受油脂系口度爆发，又试到好野！！！😬😬😬今次用餐，《惠》又系我心目中排名再加分，每次黎都有新鲜感！👍🏻👍🏻👍🏻