Beerliner German Bar & Restaurant (朗豪坊) (已結業)

今日有同事生日，所以专程揾下公司附近有无啲餐厅可以坐得舒服啲，谂起朗豪坊顶层有餐厅又未试过，就决定黎呢到揾食喇！顶楼有几间餐厅，两间都系西餐，一间就系beerliner，比较过beerliner既lunchset比较抵食，一于就黎个德国午餐啦！我地一行4人被安排坐系卡位，卡位阔落，坐得舒服😌由于系顶层关系，餐厅楼底超高，坐落唔会有压迫感。Lunch set包左前菜、主菜、甜品及饮品。前菜我就选择左鸡胸杂菜沙律🥗份量绝不欺场，而且沙律菜都十分新鲜👍🏻主菜就叫左鲷鱼柳配罗勒意大利饭。鲷鱼利有两大块，不过味道偏咸，意大利饭就有惊喜，香草味浓，又唔会太干，口感creamy👍🏻而且份量一样十足，份量应该够两个人食🤣因为同事生日既关系，午餐加45蚊就可以叫主餐牌既甜品。我地叫左个「雪糕意粉」，其实即系将雪糕整成意粉既形状🤣用黎打卡影相就一流👍🏻但其实雪糕味道都好好，有云呢拿香味，而且加45蚊都十分抵食👍🏻