Beerliner German Bar & Restaurant (朗豪坊) (已結業)

又一次来到Beerliner german bar & restaurant。我之前已经喺奥海城同屯门试过依一间德国餐厅啦。究竟系乜嘢原因令到我一嚟再嚟呢？就系因为佢个买一送一嘅优惠真系好抵。依度必食就系秘制德国猪手，图中就系侍应帮手切开嘅样。另外有一款水煮猪手，其实我每一次都想试试，但系相比起个秘制猪手，每一次朋友都会系挑选秘制的！下次同多一些朋友去，就可以利用买一送一优惠食晒两款猪手啦另外我哋透过买一送一优惠食咗嘅就系呢一款三文鱼薄饼。薄饼上面有一啲火箭菜、芝士同埋洋葱。我本身唔系好食洋葱但系佢捞埋个薄饼，我食落去呢就唔系好觉有洋葱味，系可以入口的。最后因为有朋友生日，我哋就叫咗一个甜品拼盘。虽然就唔系话好特别，但系甜品就有一啲酸酸微微嘅莓。食落都几开胃。啱啱食完猪手，有啲饱饱济济嘅感觉，食返啲甜品就啱啱好。提提大家记得食依家一间德国餐厅一定要订位，因为佢地嘅booking 都系好full。