意樂餐廳 (天澤商場)

营业中

休息中

今日唔想煮饭去天泽商场行吓睇吓有乜食，见到依间餐厅个餐牌图文并茂，个晚市套餐都几吸引㖞，不过再望真啲，原来个晚市二人套餐净系外卖㗎咋，我哋想食但唔想外卖，废时返屋企又要清洁啊。所以就唯有入去叫两个一人餐啦。依间餐厅嘅价位虽然都属于平价，大概五六十蚊就有一个晚餐（饭呀意粉咁，但扒餐就要接近$150）加埋嘢饮就七十零蚊啦，唔算好贵，但系内里环境唔错嫁！装修及座位，都坐得舒服😌。我哋两个人被安排咗坐卡位，可以舒舒服服咁有一个二人世界。 我哋叫咗一个龙虾汤饭一个焗猪扒饭，一杯芒果冰冰同一杯红豆冰。龙虾汤饭有好多海鲜汤底都有好浓郁嘅虾味，蕃茄焗猪扒饭系用炒底，系我最钟意嘅，主菜可以推介俾大家再食，但系杯红豆冰我就唔推介俾大家！杯红豆冰超多奶完全唔好饮，好似饮紧一粒粒嘅红豆加鲜奶咁，都唔系传统嘅红豆冰味道。