川味雞烤魚大王 (大河道)

营业中

休息中

系荃湾揾野食，揾到呢间烤鱼好似几吸引。舖面望落好地道，入内冷气好足，唔怕食辣野热到流晒汗。每枱都有个电磁炉面，边食边加热慢慢食都唔怕野食变冻。重庆麻辣烤海鲈鱼 $268 第一次食怕太辣，所以只系拣左BB辣，常人接受到嘅辣度。一上菜已经俾佢卖相吸引，大大盘麻辣汤底，开边嘅海鲈鱼，上面铺满辣椒同花椒。等电磁炉烘热会开始闻到麻辣香味，到煮滚就可以食得。鱼肉入口几嫩，口感结实，份量大份，净系食鱼都已经好满足🤤边食边拆鱼肉会食到淡麻辣味，拆完肉煲多阵先食就会浓味好多。一口鱼肉搭一粒花椒，口中咬爆花椒又系另一种麻辣感受。两个人慢慢食，滚左一个钟左右条鱼都冇滚散👍🏻鸡汤红薯粉 $28红薯粉口感Ｑ弹，而且非常吸味。就咁食已经有浓鸡汤鲜甜味。更加可以夹入麻辣烤鱼汤底吸收浓汤，食落既弹牙又麻辣😝凉拌皮蛋 $32百香果梳打 $26大杯特饮，仲有粒粒百香果籽。梳打气泡感，消暑之余仲好解辣。食量唔够大，食到鱼就食唔到鸡，唯有下次再帮衬。