影片
更多
2021-05-28
85 浏览
今日同朋友入黎大埔，我地都系钟意食浓味野，之前听过D大埔友话哩间八妹鸡煲唔错，所以黎试下～依间餐厅Ｄ装潢好似旧时代冰室既感觉，望落四围环境都卫生，座位都坐得舒服，侍应一见到有客到会主动提供热水去洗餐具。见到餐牌上材料既选择同其他鸡煲差唔多，我地首先叫左半份鸡，少辣。一上菜，见到份量都吾细，都几足料，望落都已经觉得好好味！一食件件啖啖肉，而且肉质嫩滑，以前食过其他鸡煲店既鸡肉比较粗糙，所以依个鸡煲整体上麻麻辣辣好惹味!我同朋友食完鸡煲仲想再食，就加汤食埋个火锅，反正一份价钱可以有两份享受。我地点左小份手切肥牛同一份羊肉，肥瘦均匀，牛肉味浓又软滑。羊肉好味有油香，唔会太骚，份量都算大碟。另外叫左鸳鸯滑，即炸响铃，同蔬菜拼盘。真系要赞一赞佢既滑类（虾滑+墨鱼滑），两款滑类每一啖都有虾肉、墨鱼肉，肉质爽口鲜甜。炸响铃仲要系即叫即炸，嚟到热辣辣，件件都咁大件。好少见到蔬菜拼盘咁靓，拼盘入边有少见嘅秋葵同芦笋，每款都咁新鲜。饮品方面，我哋叫咗竹蔗茅根水。竹蔗茅根好冰冻、好清甜；饮完蔗水唔够再叫左樽果醋。今晚同朋友叫既份量岩岩好, 我地最后系食晒, 无剩菜, 因为真系好好味!其实都好想试埋佢个墨汁墨
依间餐厅Ｄ装潢好似旧时代冰室既感觉，望落四围环境都卫生，座位都坐得舒服，侍应一见到有客到会主动提供热水去洗餐具。
见到餐牌上材料既选择同其他鸡煲差唔多，我地首先叫左半份鸡，少辣。一上菜，见到份量都吾细，都几足料，望落都已经觉得好好味！一食件件啖啖肉，而且肉质嫩滑，以前食过其他鸡煲店既鸡肉比较粗糙，所以依个鸡煲整体上麻麻辣辣好惹味!
我同朋友食完鸡煲仲想再食，就加汤食埋个火锅，反正一份价钱可以有两份享受。
我地点左小份手切肥牛同一份羊肉，肥瘦均匀，牛肉味浓又软滑。羊肉好味有油香，唔会太骚，份量都算大碟。
另外叫左鸳鸯滑，即炸响铃，同蔬菜拼盘。真系要赞一赞佢既滑类（虾滑+墨鱼滑），两款滑类每一啖都有虾肉、墨鱼肉，肉质爽口鲜甜。炸响铃仲要系即叫即炸，嚟到热辣辣，件件都咁大件。好少见到蔬菜拼盘咁靓，拼盘入边有少见嘅秋葵同芦笋，每款都咁新鲜。
饮品方面，我哋叫咗竹蔗茅根水。竹蔗茅根好冰冻、好清甜；饮完蔗水唔够再叫左樽果醋。
今晚同朋友叫既份量岩岩好, 我地最后系食晒, 无剩菜, 因为真系好好味!其实都好想试埋佢个墨汁墨丸, 但叫左可能食唔晒, 多D人一齐食就可以叫多D野, 食到佢唔同既野, 重点系价钱合理, 质素唔错。 下次入黎大埔会带多D朋友再食过,真系食过番寻味呀!
0 浏览
0 赞好
0 留言
张贴
