影片
更多
2024-10-20
1023 浏览
6/10/2024📍韩奶奶拌饭呢间新开张嘅小店专卖蒸气韩式拌饭 呢日中午嚟到 排咗阵队先入到去 有9款拌饭可以拣 款款都好吸引😍我哋都钟意食牛 就两款都拣咗牛🐮⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨韩式秘制酱牛肉拌饭（$68）套餐包括3样腌制小菜、凉拌粉丝、海带汤啲小菜有泡菜、八爪鱼、萝卜干 调味好重 要配饭食先得炒粉丝比较干身 会痴住一嚿嚿海带汤嘅海鲜味几重然后就到主角：拌饭❗️拌饭系用高压锅装住 即叫即煮 所以好够热 啲饭粒粒分明 口感唔错饭面铺满牛肉、蛋丝、芝麻、葱、杂菇倒埋拌饭酱+牛油入去全部捞匀 系劲好食🤤餐厅提供拌饭酱嘅分量啱啱好 唔会太咸牛肉唔会好肥 呢个价钱嚟讲绝对合格~饭嘅分量都好多 食到最底仲有脆卜卜嘅饭焦✨特级牛颈脊拌饭（$88）呢款同样好足料 牛颈脊嘅熟度啱啱好 唔会韧捞埋蛋汁又系另一种滋味😋牛肉份量好多 啖啖都食到有肉 啱晒我地🤓✨秘制泡菜酱拌饺子（$26/2）不得不说 呢个泡菜酱好好食😋唔会好咸好辣 带啲甜味 就咁食都可以🥟饺子有炸过 冇沾到酱嘅部分仲系脆脆哋 馅料冇乜特别 有啲菜有啲肉咁 但唔干嘅⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最后埋单$182（试业
📍韩奶奶拌饭
呢间新开张嘅小店专卖蒸气韩式拌饭 呢日中午嚟到 排咗阵队先入到去
有9款拌饭可以拣 款款都好吸引😍我哋都钟意食牛 就两款都拣咗牛🐮
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
✨韩式秘制酱牛肉拌饭（$68）
套餐包括3样腌制小菜、凉拌粉丝、海带汤
啲小菜有泡菜、八爪鱼、萝卜干 调味好重 要配饭食先得
炒粉丝比较干身 会痴住一嚿嚿
海带汤嘅海鲜味几重
然后就到主角：拌饭❗️拌饭系用高压锅装住 即叫即煮 所以好够热 啲饭粒粒分明 口感唔错
饭面铺满牛肉、蛋丝、芝麻、葱、杂菇
倒埋拌饭酱+牛油入去全部捞匀 系劲好食🤤
餐厅提供拌饭酱嘅分量啱啱好 唔会太咸
牛肉唔会好肥 呢个价钱嚟讲绝对合格~
饭嘅分量都好多 食到最底仲有脆卜卜嘅饭焦
✨特级牛颈脊拌饭（$88）
呢款同样好足料 牛颈脊嘅熟度啱啱好 唔会韧
捞埋蛋汁又系另一种滋味😋
牛肉份量好多 啖啖都食到有肉 啱晒我地🤓
✨秘制泡菜酱拌饺子（$26/2）
不得不说 呢个泡菜酱好好食😋唔会好咸好辣 带啲甜味 就咁食都可以
🥟饺子有炸过 冇沾到酱嘅部分仲系脆脆哋
馅料冇乜特别 有啲菜有啲肉咁 但唔干嘅
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
最后埋单$182（试业期间免收加一）
我哋都觉得呢间好高质又抵食👍🏻
唯一要扣分嘅系如果啲小菜多啲唔同种类 同埋唔好咁咸就更加好
推荐指数🌟：4.5/5
张贴
