影片
更多
2022-01-12
1235 浏览
📍Osteria Ristorante Italiano上个月屋企人生日我哋来到Holiday INN 入面嘅意大利餐厅食个set lunch semi buffet庆祝，未开门前已经有客人排队，可想而知有几受欢迎🍽食物⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯3-Course Menu$278⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯👍🏻Appetizer Buffet头盘有好多选择，有各种面包，cheese, cold cut, 沙律菜，酿红椒，都好新鲜同干净。其中烟三文鱼、火腿配哈密瓜、buffalo cheese配蕃茄仔都唔错，当中仲有好少见到既橄榄油浸酿蕃茄仔。睇OP见到好多人赞佢哋嘅面包，可惜摊到冻晒Main Course因为一家人share，所以我哋各自叫左一个主菜，普遍都系偏细份，而且有啲失望👉🏻香煎三文鱼配红杂菜及芹菜根茸 6/10三文鱼外层煎得好香，里面唔会太干，但系成道菜冇乜汁同埋偏淡，要自己再加黑椒吊味👉🏻烩牛肉粒配粟米糊及法边豆 6/10牛肉粒全部系一口size，炆得好淋但牛味唔重，粟米糊个口感好似薯蓉咁几得意，呢个嘅调味比较贴近返我哋嘅口味，唔洗再额外落调味
上个月屋企人生日我哋来到Holiday INN 入面嘅意大利餐厅食个set lunch semi buffet庆祝，未开门前已经有客人排队，可想而知有几受欢迎
🍽食物
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
3-Course Menu$278
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
👍🏻Appetizer Buffet
头盘有好多选择，有各种面包，cheese, cold cut, 沙律菜，酿红椒，都好新鲜同干净。其中烟三文鱼、火腿配哈密瓜、buffalo cheese配蕃茄仔都唔错，当中仲有好少见到既橄榄油浸酿蕃茄仔。睇OP见到好多人赞佢哋嘅面包，可惜摊到冻晒
Main Course
因为一家人share，所以我哋各自叫左一个主菜，普遍都系偏细份，而且有啲失望
👉🏻香煎三文鱼配红杂菜及芹菜根茸 6/10
三文鱼外层煎得好香，里面唔会太干，但系成道菜冇乜汁同埋偏淡，要自己再加黑椒吊味
👉🏻烩牛肉粒配粟米糊及法边豆 6/10
牛肉粒全部系一口size，炆得好淋但牛味唔重，粟米糊个口感好似薯蓉咁几得意，呢个嘅调味比较贴近返我哋嘅口味，唔洗再额外落调味料，不过整体冇令人眼前一亮嘅感觉
👍🏻杂菜罗勒马苏里拉芝士薄饼 7/10
Pizza嘅饼皮好薄，边边位就焗到好脆，食落去啲芝士仲会拉丝，味道唔错不过就冇乜特别。之后拎左头盘既蜜糖蘸嚟食，又系另一种风味🤣
👎🏻南瓜蓝芝士意大利饭伴烤榛果 4/10
卖相麻麻哋，虽然好creamy但系味道好单调而且又系偏淡，食唔到blue cheese嘅香气，我哋一人分左一啖之后就冇再掂过，成碟野得个滞字🥲
✨Dessert buffet
呢到最出名系tiramisu，一出炉个时仲要排队拎，因为我笔得太核突就费事影相😂 tiramisu嘅cream好绵滑，夹杂住咖啡酒嘅香味，口感丰富又唔会好甜，不知不觉就会一啖接一啖～另外有啲brownie同蛋糕都唔错～ 弥补返main course嘅失落😂
因为屋企人生日而送左枝白酒，可以饮返杯庆祝下～
⛩环境
👍🏻自助区唔算大，但系整齐干净，而且经常有员工refill食物
👍🏻台同台之间算阔落，坐得舒服，侧边仲有ｄ二人台
💁🏼♀️服务
👍🏻员工热情有礼貌，及时收碟，服务态度系酒店嘅级数
📝总评 6/10
头盘同甜品都好多选择，食完头盘都已经饱左5成😂可惜主菜嘅味道唔系咁岩我食。不过见到个menu会经常update，可能等佢有新menu时会再嚟试下～
⏱120分钟
张贴
