海街丼 (東港城)

营业中

休息中

慶祝結婚週年想揾間特別啲嘅餐廳，喺香港未試過懷石料理，喺 open rice揾到呢間海街丼，又近屋企，於是打電話去預訂。因為想早啲食所以去到都未有客人在座，餐廳裝修喺居酒屋形式，充滿日式氣氛。一心想食懷石料理，見呢個二人套餐都好啱口味，於是即刻叫落單。首先上嘅喺白板魚蛋、木魚茄子同海街丼沙律，白板魚蛋同沙律都唔錯，最驚喜反而喺木魚茄子，非常好味！再嚟嘅喺麻醬吞拿魚、時令刺身拼盤同碗味噌湯，刺身拼盤有吞拿魚、鯛魚、海胆同三文魚子，每樣刺身都好新鮮，令人回味！呢個日式炸雞件就一般般。最後上嘅喺海寶丼，賣相就一般，但食落去都唔錯，雖然魚生切得較細件，但食材都算新鮮！