岳川串揚

营业中

休息中

早放工，终于可以同同事过嚟食半价串烧。同事话呢度用新鲜鸡，稀有部位都有得拣。睇睇菜单连条大动脉都有得食，虽然舖仔细细，但味道唔错，而又真系几抵食嘅。叫左个无味精自家制鸡白汤乌冬，香浓得黎清清地，食到汤都清埋，后来先知呢样系每日限卖。虽然细细间舖，但每串串烧严谨控制熟度，刚熟有烧烤香味，亦有暖锅暖住，评一评先：盐烧鲜鸡肾串 - 惹味、有口感。大葱日本鸡腿肉串、盐烧日本鸡腿肉串 - 惹味、鸡味。汁烧鲜鸡肝串 - 嫩、香招牌月见免治鸡肉串 - 点蛋汁正汁烧鲜鸡大动脉串 - 烟烟韧韧几特别豚肉车厘茄卷 - 肉香、清新盐烧美国牛肋条 - 惹味烧日本多春鱼 - 1客3条，抵，成条连骨都好香脆。唐扬一级炸蚝，一客3件，蚝肥、鲜，熟度刚好，juicy。烧兵库县生蚝、烧大葱 、 烧芝士年糕、秘制Juicy香脆鸡翼、酥炸墨鱼咀都唔错，墨鱼咀系全晚最惹味停唔到口之选。啤酒1送1抵，其他饮品好似信洲苹果梳打、无糖可乐唔算贵，唔饮酒叫汽水都唔肉赤。