二鍋頭 (好運中心)

营业中

休息中

同妈咪黎食呢间任食煲，妈咪都话抵。有几款煲任食，仲可以拣汤底食火锅。牛尾煲系最好味，食落好似牛腩咁入味，牛尾好香同埋好大嚿。鸡煲都好惹味嘅，仲有猪手煲但我无食到因为要留肚食火锅～汤底系鹧鸪汤，店员建议我哋打边炉饮一啖，好补㗎㖞～我地食嘅系中价嘅安格斯牛餐，有封门柳、鹅肠、花枝片、鳝片、滑牛，全部都几新鲜干净。其他好似唔同嘅丸同菇、菜、饮品、甜品都任食嘅，可以食得畅快。雪糕有几款好好食，芝麻味同埋咖啡味都香，榴梿雪条都好食，好浓榴梿味又滑。