梅光軒 (登龍街) (已結業)

见到登龙街又开左新既拉面店，就同男朋友去试下喇。首先一赞既系店员既服务态度好好，而家好少有咁好礼貌，仲会问你想要热茶定冻茶。见到呢间拉面攞埋米芝连，系北海道好似好出名咁。首先个叉烧丼唔记得影相，原来谂住唔写，但系我觉得叉烧食好值得赞。第一，价钱平，$38就有一碗，而家份量都唔少。第二，用料不错，叉烧好多亦好滑，饭系用珍珠米。第三，有创意好特别，特别在于佢用芝麻酱，一见到以为会好奇怪，点知食落几特别几夹几好味。<灸烧五花叉烧拉面(酱油)，$98>然后有个灸烧五花叉烧拉面，酱油味既汤底味道适中，唔会太浓太淡，一入口会淡啲然后就会慢慢浓。叉烧超级大块，味道不错。<拉面加配：饺子(3只) + 汽水，$15>饺子唔算特别出色，不过胜在煎得好靓同埋够热，另外饺子汁系自己用豉油，醋辣油去沟，可以按自己既口味调出想要既味道。<抹茶蕨饼，$10>最后令我好惊喜既系个蕨饼。平时唔食蕨饼既我都觉得几好味，因为够烟韧，而且佢啲抹茶粉唔会太粗太嚡。