麵屋一平安 (已結業)

叉燒沾麵個沾麵湯好夠味 個湯都唔會話太鹹 份量亦都啱啱好 個麵係偏硬身嘅 所以好啱我嘅口味👍🏻滑蛋豬扒飯我朋友就叫咗個滑蛋豬扒飯 原本以為淨係得個飯 點知仲有配埋麵豉湯 仲有個前菜仔 個豬扒都炸得幾香口🤤日本和牛壽喜燒鍋另外我見到佢期間限定有個和牛壽喜燒鍋 我哋都好鍾意食壽喜燒 所以就叫咗一個share 個壽喜燒湯底好濃好甜 啲牛肉同菜都充滿住壽喜燒嘅味道😍明太子煎蛋因為我哋都好鍾意食蛋 所以就叫咗呢個明太子煎蛋 其實姐係明太子蛋捲 鍾意食蛋嘅人絕對推介你叫呢個小食 🤪大阪風炸薯條最後我哋仲叫咗個炸薯條 炸薯條上面有啲木魚 有啲大阪燒醬 好似都係第一次咁樣食 又幾特別喎🤩嘢飲方面我哋就嗌咗一杯芒果益力多梳打同一杯蜜桃益力多梳打 佢嘅益力多味好重 不過梳打嘅感覺就唔係太多🤣