武士拉麵 (已結業)

今个星期四又来到牛头角，行咗去另一条街，呢轮黎多咗，发现呢度原来好多嘢食⋯⋯基本上系成两条街满哂咁济！只系睇你啱唔啱食，不过⋯⋯大部份都系茶餐厅 feel 😅 今次拣咗食拉面，行过见佢五十几六十蚊有交易都几抵，一般都要成八、九十蚊一碗，就好似另一条街有一间，装修同整体上都好日本 feel ，同正宗啲咁，应该都会揾次试下😁餐牌有两碗拉面都系$58，有两、三款饭，但都系炸物，今次唔想食住😝 仲有款牛添，但怕系肥牛，所以无叫。 我哋叫咗一个始祖将军拉面，一个徳川将军拉面，拉面都有得选想要汤底浓定淡，幼面定粗面，硬定软定普通添😄 我哋仲加六蚊追加咗罐可乐😅面到了！几好样㖞！ 睇吓两个汤底有咩分别先⋯⋯始祖系浓香猪骨汤底，而我碗徳川就比起始祖淡少少，因为系酱油鱼介猪骨汤底，同埋系无葱花别🥴我嘅至爱!!!! 两碗都好味呀！我碗其中一块叉烧就韧咗少少，不过，只是$58，我又唔会要求太高嘅😌 至于汤底，又香又唔油，对我哋两个来讲都好钟意，因一般都好油 (可能系比较正宗啲) 点都好，我哋真系怕太油嘅汤底🙊 仲有只蛋，做到糖心蛋样，但无糖心蛋味😝～始祖将军拉面～～徳川将军拉面～呢间拉面，我哋会再来㗎😁