一風堂 (希慎廣場) (已結業)

每次想坐得舒服啲食拉面就会谂起呢度 😹 今次竟然唔食辣、冇叫到赤丸新味！叫咗白丸元味！所有嘢配料一样！都系有木耳丝，芽菜，青葱，两片日式叉烧！不过赤丸新味就多咗好似辣酱嘅嘢 🤪拉面可以拣软硬度。我就拣咗最硬、因为总系觉得食食下一阵就会林晒所以宁愿拣最硬 😬汤底系好浓郁嘅猪骨汤！我钟意呢间拉面另外一个原因系因为食完冇口渴！见到拉面嘅叉烧可以免费升级去炙烧版梗系试吓啦！炙烧过ge 叉烧确实比原本嘅香口惹味好多！而且感觉冇咁油腻 🤪见到枱面冇左以前会供应嘅凉拌芽菜！问咗职员原来因为疫情嘅关系佢哋唔再放出嚟、原来可以叫佢哋免费供应的！Staff 好好人即刻俾咗一碗我 😹 但系呢个麻辣凉拌芽菜真系好辣 🤣 但食落又好过瘾！ 加咗$28转套餐！拣咗紫菜炸鱿鱼须！鱿鱼酥炸得好干身识落一啲都唔韧 、搞到越食越多胆固醇暂时忘记佢吧😜