影片
更多
2021-04-12
49 浏览
身边总有几个无辣不欢既朋友，成日都想食酸菜鱼，自问唔太食得辣，幸好呢间有得拣唔辣既酸菜鱼，呢日爽快地叫坐个招牌二人套餐，整体菜式同份量都不少，可以一试。招牌二人套餐 ($398/2位)每道菜可以选择走辣/微辣/中辣/大辣，酸菜鱼特意拣左唔辣口味，其余菜式就拣微辣。前菜：《酸辣海蜇花、口水鸡》海蜇花晶莹剔透，但我更爱莴笋，微微沾上辣油，口感爽脆又凉快。嗜辣既朋友应该会既中意口水鸡，麻香十足，后劲辣。主菜：《祥仔酸菜鱼、宫保虾仁、酸菜炒肉碎配薄饼、干锅福建椰菜花》唔辣版本既祥仔酸菜鱼一啲都唔差，怕辣既人可以放心食~用上鲈鱼片，嫩滑多肉，而且无骨，配料有酸菜、莲藕、芽菜，爽口开胃。另一酸菜炒肉碎配薄饼几有特色，有啲似片皮鸭食法，微酸带点辣。干锅福建椰菜花炒得比较干身，食落脆甜爽口，之后再有浓浓的麻辣味，送饭一流。宫保虾仁就一般般，味道酸酸甜甜，不过质感偏腍唔够爽口弹牙。甜品：《酒酿桂花汤圆》食完辣野再跟个甜品真系好舒服，中和左口腔既麻辣感。淡淡的酒香配上桂花的清香，汤圆口感软糯。饮品：《绯红蔓舞、热情之谷》辣椒造型几得意，随意叫左2杯饮品解一解辣，前者酸甜够晒Refreshing，后者有浓郁
招牌二人套餐 ($398/2位)
每道菜可以选择走辣/微辣/中辣/大辣，酸菜鱼特意拣左唔辣口味，其余菜式就拣微辣。
前菜：《酸辣海蜇花、口水鸡》
海蜇花晶莹剔透，但我更爱莴笋，微微沾上辣油，口感爽脆又凉快。嗜辣既朋友应该会既中意口水鸡，麻香十足，后劲辣。
主菜：《祥仔酸菜鱼、宫保虾仁、酸菜炒肉碎配薄饼、干锅福建椰菜花》
唔辣版本既祥仔酸菜鱼一啲都唔差，怕辣既人可以放心食~用上鲈鱼片，嫩滑多肉，而且无骨，配料有酸菜、莲藕、芽菜，爽口开胃。
另一酸菜炒肉碎配薄饼几有特色，有啲似片皮鸭食法，微酸带点辣。
干锅福建椰菜花炒得比较干身，食落脆甜爽口，之后再有浓浓的麻辣味，送饭一流。宫保虾仁就一般般，味道酸酸甜甜，不过质感偏腍唔够爽口弹牙。
甜品：《酒酿桂花汤圆》
食完辣野再跟个甜品真系好舒服，中和左口腔既麻辣感。淡淡的酒香配上桂花的清香，汤圆口感软糯。
饮品：《绯红蔓舞、热情之谷》
辣椒造型几得意，随意叫左2杯饮品解一解辣，前者酸甜够晒Refreshing，后者有浓郁热情果味。
张贴
