影片
更多
2017-03-29
255 浏览
是日晚上，朋友一早book左位，话试一间长沙湾既放题，本身有promotion价钱非常抵，所以决定一试，如果7点半前离座既话二人同行一人半价，所以真系好平，今晚决定一试。去到地下已经见到promotion牌同埋收费，之后餐厅位于二楼。由于时间尚早，餐厅内并唔系有太多客人，气氛比较宁静。点菜单有好多张，由A排到N，我同朋友都好肚饿，所以坐底之后立即点食物，朋友一坐底果阵佢话呢间放题既玄米茶好饮，好清真系有玄米味。我地点好食物之后，见到出面有饮品，汤品，沙律同甜品雪糕等等，咁就出去睇下。首先饮品有两个柜，一个系for汽水加梅酒同清酒，另一个就系各式各样既罐装饮品，有啤酒、红茶、汽水、乌龙茶等等，而我就拎左锡兰红茶同忌廉鲜奶。隔离同时有个柜，内里有前茶包括支豆、中华沙律同小量甜品，包括小丸子、芝士蛋糕、泡芙同啫喱等等。款式都算比较多，而且味道唔错。拎完野饮返到位之后食物开始黎了，先黎既系刺身，可选择既刺身都算多款，有十二款，上枱果阵碟有干冰，造出冰雾效果，影相系唔错既，刺身最有惊喜系带子刺身，我觉得系必食，佢每一片带子夹住一块柠檬，Fresh得黎好有鲜味，玉子同油甘鱼都推介，鲜甜同油脂味好正
由于时间尚早，餐厅内并唔系有太多客人，气氛比较宁静。点菜单有好多张，由A排到N，我同朋友都好肚饿，所以坐底之后立即点食物，朋友一坐底果阵佢话呢间放题既玄米茶好饮，好清真系有玄米味。
我地点好食物之后，见到出面有饮品，汤品，沙律同甜品雪糕等等，咁就出去睇下。首先饮品有两个柜，一个系for汽水加梅酒同清酒，另一个就系各式各样既罐装饮品，有啤酒、红茶、汽水、乌龙茶等等，而我就拎左锡兰红茶同忌廉鲜奶。隔离同时有个柜，内里有前茶包括支豆、中华沙律同小量甜品，包括小丸子、芝士蛋糕、泡芙同啫喱等等。款式都算比较多，而且味道唔错。
拎完野饮返到位之后食物开始黎了，先黎既系刺身，可选择既刺身都算多款，有十二款，上枱果阵碟有干冰，造出冰雾效果，影相系唔错既，刺身最有惊喜系带子刺身，我觉得系必食，佢每一片带子夹住一块柠檬，Fresh得黎好有鲜味，玉子同油甘鱼都推介，鲜甜同油脂味好正。刺身款式多选择，质素亦ok。之后仲有一牒寿司，佢寿司同手卷既Size全部都系比较细件，唔会浪费食物非常好，我地就每款叫一两件试下，细细件一啖已经食完，花之恋同火炙三文角腩系推介，好好味，另外左口鱼都唔错。手卷我地叫左软脚蟹手卷同海胆手卷，我和朋友都比较喜欢软脚蟹手卷，细细件唔会太饱。
串烧、炸物同烧物都紧接咁黎，串烧我地叫左盐烧玻璃猪同芝士牛舌，两个我地都好钟意，肉软又够香，芝士又唔会太重。炸物我地叫左香芋丸同风沙鸡翼，鸡翼真系外脆内软，朋友加左单两次，觉得好好食，另外仲有吉烈生蚝，不过不失，有一件粉好薄，果件系超水准。仲有天妇罗，虾系必食，点单上写系虎虾，所以我地刺身、串烧同天妇罗我地都叫左虎虾哈哈，味道都唔错，蕃薯好香好可口。炉焗方面焗蚝同焗帆立贝都值得推介，系回本位，芝士味有D重，但个酱好好味。
最后我地大慨叫多1round左右就出去拎雪糕了，开始饱，雪糕系普通雀巢，另外有只系Gelato，我地就试左新野，有豆腐味同matcha味，我地两个都觉得Gelato比雀巢好味 呢间野食物质素唔错，但胜在价钱真系抵食，有埋半价优惠系可以平时 间唔中平日晚上黎食下，抵食之选！
张贴
