組長日式放題 (已結業)

依排打多左边炉，想食下放题，朋友就订左响弥敦道嘅组长日式放题. 嚟到放题当然要食刺身啦！三文鱼啦、剑鱼腩、带子、鲍鱼片、象拔蚌、甘虾……呢度嘅三文鱼厚薄适中，有三文鱼香味，剑鱼腩算肥美，有啲鱼脂香，甘虾就几幼细，食𠮶时要一次过夹几件先够过瘾，我最钟意食花之恋 ，一口气食两件，个面洒上好多蟹籽，三文鱼又唔会薄，朋友就点左安康鱼肝军舰，唔太软，够甘香馥郁，与软香嘅饭双映成趣呢！而火炙左口鱼边寿司系有油香， 而啲油香被烧后，就减轻左𠮶种油腻腻感，并且会更香. 大虾天妇罗，够大只，外皮香酥，虾肉厚实，蟹棒天妇罗较甜. 炉端烧，牛油烧粟米，盐烧鸡翼，盐烧鸡软骨，盐烧多春鱼，我觉得咁多款食物，最出色嘅就系炉端烧，鸡翼上的鸡皮超脆，焦焦地，入口好香. 食完正餐仲有唔同嘅甜品可以选择，松露朱古力草饼、雪糕、雪条等，虽然唔系靓牌子雪糕，但系呢个放题价钱都算平，所以有雪糕食都好照顾到顾客唔同嘅需要，另外一重点系方便，位于弥敦道，食完同朋友可以去行街，跟住返屋企方便嘛！