日悅極尚日式放題 (已結業)

旺角有几栋大厦出名多野食，分别系兆万、创兴、琼华，无论放题、鸡煲、烧肉等等都有，基本上去到都唔会揾唔到野食。谂起放题，创兴呢边我都试过两间，感觉上质素好似好D。知道4楼呢间新开无耐，同朋友一齐过来试下，期后我先谂起，尖沙咀都有分店。餐厅分放题、火锅、烧肉三合一，当然睇番你拣咩食，就安排唔同座位。晚上来食，闲日都几多人，七、八成满座。地方以卡位为主，放题来讲，四个人坐都唔会逼，环境唔会好嘈。好快上左个刺身船，刺身冰底上，卖相都几吸引。刺身款式多，有三文鱼、吞拿鱼、螺片、北寄贝、甜虾等等。大部分都好新鲜，最常食嘅三文鱼都ok，唔会太削。寿司我地都试左几款，鳗鱼、芥辣八爪鱼、海胆寿司都系正常。熟食都满意，啱食嘅就够，点左天妇罗、炸虾、鸡翼、焗帆立贝。串烧点左最钟意嘅鸡软骨、牛舌等，质素可以啊。上枱都系热嘅牛柳粒、和牛薄片等都几好食，我几钟意，味道入味。水果、沙律、前菜任拎。饮品种类多，茶啊、果汁、汽水都有，如果钟意饮酒，亦都有生啤，啱哂。最后仲有牛奶公司雪糕任食，同埋人头一杯哈根大师或movenpick雪糕